
НҮБ-ын Ерөнхий нарийн бичгийн даргын Хүмүүнлэгийн асуудал эрхэлсэн орлогч, яаралтай тусламжийн зохицуулагч Мартин Гриффитс баасан гарагт Сирийн газар хөдлөлтөд нэрвэгдсэн бүс нутагт авран туслах ажлыг эрчимжүүлэх зорилгоор 25 сая долларын нэмэлт буцалтгүй тусламж үзүүлэхээ мэдэгдлээ.
Онцгой байдлын үед авах арга хэмжээний төв сангаас (ОУСБХ) эдгээр нэмэлт хөрөнгийг газар хөдлөлтөд нэрвэгдсэн олон зуун мянган хүний нэн яаралтай хэрэгцээг хангахад зарцуулна гэж НҮБ-ын Хүмүүнлэгийн хэрэг эрхлэх газраас мэдээлэв.
Сирид газар хөдлөлт болсонтой холбоотойгоор хүмүүнлэгийн нөхцөл байдал бүр муудаж байна. Тус улсад иргэний дайн эхэлснээс хойш эдийн засгий болон хүмүүнлэгийн нөөц шавхагдаж, холерын дэгдэлт үргэлжилж, хатуу өвөл болж байгаа тул хэрэгцээ хамгийн өндөр түвшинд байна гэж мэдэгдэв.
НҮБ-ын Ерөнхий нарийн бичгийн даргын Хүмүүнлэгийн асуудал эрхэлсэн орлогч Мартин Гриффитс хэвлэлд өгсөн мэдээлэлдээ "Бид аль хэдийнээс маш их хүнд бэрхшээлийг туулсан Сирийн ард түмэнд туслахын тулд хариу арга хэмжээг аль болох хурдан авч байна.
Дэлхий даяар газар хөдлөлтөд нэрвэгсдийг эрэн хайх, аврах ажиллагаанд ямар ч болзолгүйгээр дэмжлэг үзүүлж байгаад талархаж байна" гэж тэр нэмж хэлэв.
Эх сурвалж: Синьхуа