
Шведийн Бофорс концернийн үйлдвэрлэсэн L-70 зенитийн бууны багц Украины Зэвсэгт хүчний мэдэлд иржээ. Эдгээр системийг Литва улс Украинд шилжүүлж буй аж.
Хоёрдугаар сарын 11-ний шөнө Литва улс Украинд хэдэн арван Bofors L70 зенитийн буу илгээсэн гэж мэдээлэв. Литвийн армийн төлөөлөгч Юргис Норваишийн хэлснээр Вильнюс зөвхөн Украин руу зэвсэг шилжүүлээд зогсохгүй Украины Зэвсэгт хүчний армийг шилжүүлсэн системтэй ажиллах дадлагад сургадаг гэжээ.
Өмнө нь ОХУ-ын Ерөнхийлөгч В.Путин Волгоград хотноо болсон Сталинградын тулалдааны 80 жилийн ойд зориулсан арга хэмжээн дээр барууны орнууд Украинд зэвсэг нийлүүлж байгаа талаар хэлэхдээ “Бидэнд үүнд нь хариу барих зүйл байгаа” гэж онцолж байсан юм.
Кремлийн хэвлэлийн төлөөлөгч Дмитрий Песков төрийн тэргүүний үгэнд тайлбар хийхдээ, барууны орнууд Киевт зэвсэг нийлүүлсний хариуд Москва өөрийн боломжоо бүрэн ашиглах болно гэж тайлбарлав.
Эх сурвалж: Лента.ру