Хоёрдугаар сарын 10-ны баасан гарагт Оросын арми Украинд пуужингийн хүчтэй цохилт цохилт өглөө. Үүний улмаас Украины зургаан бүс нутагт дулааны болон усан цахилгаан станцууд, түүнчлэн өндөр хүчдэлийн дэд бүтцэд гэмтэл учирсан гэж Эрчим хүчний сайд Герман Галущенко мэдэгдэв.
Сайдын хэлснээр олон бүс нутагт эрчим хүчний яаралтай зогсолт хийсэн. Хамгийн хүнд нөхцөл байдал Запорожье, Харьков, Хмельницкий мужид байна" гэжээ.
Украины Ерөнхийлөгч Владимир Зеленский тус улс руу дахин пуужингаар дайрсныг зогсоох ёстой терроризм гэж нэрлэв.
Түүний хэлснээр, баасан гарагийн өглөөнөөс хойш Орос улс дор хаяж 70 пуужин харвасан байна.
"Тэдний бүх бай нь энгийн иргэд, иргэний дэд бүтэц байсан. Харамсалтай нь энгийн иргэд амь үрэгдсэн. Цохилтын үеэр амь үрэгдсэн хүмүүсийн ар гэрийнхэнд эмгэнэл илэрхийлье!" гэж Зеленский өөрийн олон нийтийн сүлжээндээ нийтэлжээ.
Эх сурвалжийн мэдээлснээр Оросын хэд хэдэн пуужин Молдав, Румын улсын агаарын орон зайг дайран өнгөрчээ.
Энэ тухай тэрээр "Эдгээр пуужингууд нь НАТО, хамтын аюулгүй байдалд сорилт болж байна"гэдгийг Ерөнхийлөгч онцолсон байна.
Молдавын Батлан хамгаалах яам өөрийн нутаг дэвсгэр дээгүүр пуужин ниссэн тухай мэдээллийг баталгаажуулсан бол Бухарест Оросын пуужингууд Румыний дээгүүр ниссэнийг баталж чадахгүй байна гэж мэдэгджээ.
Эх сурвалж: ВВС
