Кувейт Улсад ирэх есдүгээр сард явагдах АХБХ-ны Футзалын Азийн цомын тэмцээний урьдчилсан шатны Зүүн Азийн бүсээс бусад бүсийн тоглолт өнгөрсөн есдүгээр сард явагдаж, 13 эрхийг шигшээ багууд аваад байгаа билээ.
Тэгвэл Зүүн Азийн бүсийн тоглолтууд энэ сарын 17-21-ны хооронд Малайз Улсад зохион байгуулагдана.
АХБХ-ны Футзалын Азийн цомын урьдчилсан шатны Зүүн бүсийн сугалаагаар зургаан улсын шигшээ баг хоёр хэсэгт хуваагдан тоглох байсан ч БНХАУ-ын шигшээ баг тус тэмцээнд оролцох боломжгүй болсноор, Монгол Улсын шигшээ баг Япон, Тайвань, БНСУ, Хонконг гэсэн улсын багтай нэг хэсэгт гурван эрхийн төлөө өрсөлдөх гэж байна.
