Хөгжлийн банкны сонсгол олон хүний багийг хуулж байгаа. Хоёр дахь сонсголд албан тушаалтнууд гэрчээр оролцож, зээлтэй холбоотой олон асуудалд тайлбар хийсэн. Тэдний нэг бол Ерөнхийлөгч асан Х.Баттулга.
Ерөнхийлөгч аснаас хэрэгжүүлэхээр санаачлаад олон тэрбум төгрөг зарцуулаад байсан төсөл хөтөлбөрүүд хэрхсэн талаар асуусан ч арьсаа хамгаалж "Сайншандын аж үйлдвэрийн парк барих эрхийг надад өгчихвөл би босгочихно" хэмээн “бардамнаж” байсан.
Zayabat Dashtseren түүний дээрх үгэнд эгдүүцэн доорх байр суурийг илэрхийлжээ. Тэрбээр "Сайншандын аж үйлдвэрийн парк барих эрхийг надад өгчихвөл би босгочихно" гэж Ерөнхийлөгч асан Х.Баттулга Хөгжлийн банкны сонсголын үеэр хэлснийг олон сонссон нь лавтай. Бүх эрх мэдэл өөрт нь байж, татавар төлөгчдийн 30 тэрбум төгрөг атгаж суухдаа тэр аж үйлдвэрийн паркаа босгохгүй яасан юм бол.
Мордохын хазгай ч гэх үү, мөнгө завших санаатай үйлдэл байсан ч юм уу энэ паркийг байгуулах ажил анхнаасаа үлгэр л байсан юм билээ шүү дээ. Тэр том аж үйлдвэрийн парк байгуулах гэж байж сонгосон газар нь ус тогтдог хонхор. Олон жил хурын ус тогтсноос хөрс нь гүндээ намагшсан байж. Энд том бүтээн байгуулалт хийвэл барилга байгууламж нь суух, нурах эрсдэлтэй гэдгийг мэргэжлийн шинжээчид анхааруулж байсан гэдэг юм.
Дээрээс нь хотгор газар тул галт тэрэг явах ямар ч боломжгүй. Энд вагоны оршуулгын газар болно гэдгийг төмөр замын инженерүүд хэлж, яавч аж үйлдвэрийн парк байгуулах газар биш байна, болохгүй гэсэн юм билээ. Гэтэл тэдний үгийг авалгүй татвар төлөгчдийн өчнөөн олон тэрбумыг зарж, ТЭЗҮ нэртэй үл биелэх баахан цаас, зөвлөгөө авсан нэрээр олон сая ам. доллар гадагш өгчихөөд эцэст нь өөр газар сонгосон нэрээр бас олон тэрбум төгрөг залгисан байдаг. Тэгээд татвар төлөгчдийн мөнгийг хэдэн тэрбумаар нь үргүй зарсан энэ хүн ямар ч ял зэмгүй өнгөрсөн. Энэ тэгээд шударга ёс уу, Монгол ялж байгаа нь тэр үү” гэжээ.
Б.Ирээдүй