Ховд аймгийн Жаргалант сумын Наран багт амьдарч байсан 15 настай охин бусдын гарт амиа алдсан. Цагдаагийн газраас хэргийг мөрдөн шалгахад охины нагац эгч болох Ж үйлдсэн болох нь тогтоогджээ.
Хэрэг үйлдсэн Ж-д эрүүгийн хэрэг үүсгэн яллагдагчаар татаж, хойшлуулшгүйгээр баривчилж, цаашид цагдан хорих таслан сэргийлэх арга хэмжээ авах саналыг прокуророос шүүх рүү хүргүүлсэн байна.
Энэ талаар ЦЕГ-ын ХМТ-ийн дарга Г.Мөнхбаяр "Цахим орчинд талийгаачийг сургуулийнх нь орчимд дөрвөн хүүхэд турбогоор цохиж гэмтээсэн гэх мэдээлэл гарсан. Шалгалтын явцаг уг мэдээлэл нотлогдоогүй. Харин яллагдагч Ж нь үйлдсэн хэргээ нуухын тулд хэвлэл мэдээллийг хэрэгслээр дөрвөн хүүхдэд зодуулсан гэх худал мэдээлэл өгч, мөрдөн шалгах ажиллагаанд санаатайгаар саад учруулсан байна. Өөрөөр хэлбэл, яллагдагч Ж нь гэрчтэй үгсэн тохиролцож, хэвлэл мэдээллийн хэрэгсэл ашиглан худал мэдээлэл тараасан. Одоогийн байдлаар шинжээч эмчийн дүгнэлт гараагүй" гэв.
