Хөгжлийн банкны “хулгайтай” холбоотой сонсгол олны нүдийг бүлтийлгэж, төрд шургалсан ашиг сонирхолын зөрчилтэй, хулгайн сэтгэхүйтэй хүмүүс улс оронд ямар балаг тарьдгийг, СОНГОЛТ буруу бол олон нийтийн сайхан амьдрах, ажиллаж хөдөлмөрлөх боломж хэрхэн “сүйрдэг” жишээг харуулж өглөө.
Түр хорооны дарга цахим хуудсаараа урмаар тэтгэгдсэнээ илэрхийлж, гурав дахь сонсголын бэлтгэл ажилд орсноо зарлав.
Тэрбээр “Урмаар тэтгэгдэж аваад Хөгжлийн банкны 3 дахь сонсголынхоо бэлтгэл ажил руу манайхан дайраад орлоо. 3 дахь сонсгол дан сюрприз байх болно. Учир нь урьд нь ер шалгагдаж олон нийтэд ил болж байгаагүй Хөгжлийн банкнаас арилжааны банкуудаар дамжуулан гарсан 2500 зээл, түүний зарцуулалтыг ярина” гэжээ.
Б.Ирээдүй
