
Турк, Сирийн хилийн ойролцоо газар хөдлөлтийн улмаас амиа алдагсдын тоо арван мянга даваад байна.
Газиантеп мужид болсон газар хөдлөлтийн хүчийг 7.8 баллын хүчтэй гэж тооцож байна. Газар хөдлөлтийн төв нь харьцангуй бага гүнд буюу 18 км-ийн гүнд байсан нь газрын гадаргад ихээхэн хэмжээний сүйрэл авчирсан байна.
Лондонгийн их сургуулийн Эрсдэл ба гамшгийг бууруулах хүрээлэнгийн тэргүүн, профессор Жоанна Фор Уолкер "Сүүлийн 10 жилд ийм хүчтэй газар хөдлөлт ердөө хоёр удаа, өмнөх арван жилд дөрвөн удаа болсон" гэв.
Гэсэн хэдий ч доргилтын хүч нь сүйрлийн цар хүрээний цорын ганц шалтгаан биш юм. Энэ тохиолдолд шөнийн цагаар хүмүүс унтаж байх үед газар хөдөлсөн. Ингэснээр амиа алдагсдын тоо харьцангуй их байх нэг нөхцөл болжээ. Түүнчлэн нөгөө талаасаа иргэдийн амьдарч байсан барилгуудын бат бөх байдал нь чухал хүчин зүйл байв.
Энэ бүс нутагт сүүлийн 200 жилд хүчтэй газар хөдлөлт болоогүй тул байнгын чичирхийлэлд дассан бүс нутгуудаас бэлэн байдлын түвшин доогуур байсан хохирлын хэмжээ их байх бас нэг шалтгаан болжээ.
Эх сурвалж: ВВС