Бямба гарагт Хятадын агаарын бөмбөгийг Өмнөд Каролинагийн эргийн ойролцоо Атлантын далай дээгүүр нисч байх үед нь устгасан. Тэр цагаас хойш шумбагчид тухайн бөмбөлөгийн их хэмжээний үлдэгдэлийг цуглуулж, тухайн объектын техникийн хүчин чадал, зорилгыг судлахын тулд далайн эрэг орчмын ёроолыг самнаж байна.
Хэдийгээр Бээжин агаарын хөлөг нь энгийн иргэний (цаг уурын гэх мэт) зориулалттай бөгөөд салхины нөлөөгөөр АНУ-ын нутаг дэвсгэр рүү нэвтэрсэн гэж байгаа ч Вашингтон уг хөлгийг тагнуулын мэдээлэл цуглуулахад ашигласан бөгөөд нислэг нь Америкийн тусгаар тогтнолыг зөрчсөн хэрэг гэж Вашингтон үзэж байна.
Үүнээс шалтгаалан баасан гарагт Төрийн нарийн бичгийн дарга Энтони Блинкен Хятадад хийхээр төлөвлөж байсан айлчлалаа тодорхойгүй хугацаагаар хойшлуулаад байгаа юм.
The Washington Post сонинд мэдээлснээр, АНУ-ын тагнуулын агентлагууд агаарын хөлгийг Хятадын Ардын чөлөөлөх армийн удирддаг тагнуулын мэдээлэл цуглуулах өргөн хүрээний хөтөлбөртэй холбосон байна.
АНУ-ын албаныхны мэдээлснээр агаарын хөлөг нь 60 орчим метр өндөр, хэдэн мянга биш юм аа гэхэд хэдэн зуун килограмм жинтэй байжээ.
Бөмбөлөгийн сэгийг өргөх ажилд хоёр хөлөг онгоц оролцож байгаагийн нэг нь хүнд даацын хүчирхэг кранаар тоноглогдсон байна.
АНУ-ын Батлан хамгаалахын сайд Ллойд Остин Хятадын сайдтай утсаар ярих хүсэлт гаргасан ч Бээжин татгалзсан гэж Пентагон мэдэгдэв.
Үүний зэрэгцээ, The Washington Post сонинд бичсэнээр, тагнуулын агентлагууд Хятадад агаарын хөлөг ашиглан тагнуулын мэдээлэл цуглуулах бүхэл бүтэн хөтөлбөр байдаг гэж дүгнэжээ.
Хэдийгээр Хятадын тагнуулын хиймэл дагуулууд ижил төстэй чадвартай ч агаарын бөмбөлгүүд ажиглалтын объектын дээгүүр илүү удаан эргэлдэж чаддаг. Агаарын хөлөг нь өндөр нарийвчлалтай дижитал камераар тоноглогдсон байдаг гэжээ.
Уг хөтөлбөрийг Өмнөд Хятадын тэнгис дэх Хайнан арлаас Хятадын Ардын чөлөөлөх арми хэрэгжүүлдэг бөгөөд бөмбөлгийг тус улсын хувийн компани үйлдвэрлэдэг гэжээ.
Хятад улс 2018 оноос хойш ийм хэдэн арван бөмбөлөг хөөргөсөн, зорилго нь зөвхөн АНУ төдийгүй Зүүн Ази дахь өөрсдийн түнш холбоотон Япон, Энэтхэг, Вьетнам, Тайван, Филиппин байдаг. АНУ-ын Төрийн нарийн бичгийн даргын орлогч Вэнди Шерман Даваа гарагт холбоотон болон түншлэгч 40 улс орныхоо 150 орчим дипломатчдад энэ тагнуулын ажлын үр дүнг танилцуулахаар мэдээлэл хийсэн байна.
Эх сурвалж: ВВС