Одон орон судлаачид Бархасбадь гаргийн 12 дагуулыг шинээр олж тогтоосон талаар Assiociated Press агентлаг мэдээлэв.
Нарны аймгийн хамгийн олон гаргаар өмнө нь Санчир нэрлэгдэж байсан бол ийнхүү Бархасбадийн дагуул 92-т хүрч, жагсаалтын нэгдүгээрт бичигдэж эхэллээ. Шинээр олж нээсэн дагуулуудыг Олон улсын одон орон судлалын холбооны жагсаалтад саяхан нэмж оруулсан гэж Карнегийн шинжлэх ухааны хүрээлэнгийн одон орон судлаач Скотт Шеппард мэдээлсэн байна. Эдгээр дагуулуудыг Хавай, Чили дэх дуран авиан тусламжтайгаар илрүүлж, ажиглалт хийсний үр дүнд тойрог замуудыг нь олж тогтоожээ. Тус дагуулууд 1-3 километрийн хэмжээтэй гэдгийг С.Шеппард онцолж, гарал үүслийг нь илүү нарийвчлан тодорхойлохын тулд цаашид ойрын зайнаас дүрсийг нь буулгахыг зорино хэмээжээ.
Ирэх дөрөвдүгээр сард Европын сансар судлалын агентлаг Бархасбадь болонтүүний ойролцоох мөстсөн саруудыг судлах зорилгоор сансрын хөлгийг илгээхээр төлөвлөөд байна.