УИХ-ын гишүүн Ж.Бат-Эрдэнэ хөдөө аж ахуйн үйлдвэрлэлийн чиглэлд нэлээн санаачлагатай ажилладаг нэгэн. Эрхэм гишүүн хэдхэн цагийн өмнө Эдийн засгийн хөгжлийн яамны үйл ажиллагаанд шүүмжлэлтэй хандаж байгаа тухайгаа цахим хуудсандаа хатуухан илэрхийлж, “Гадна бодлого явуулж байна” гэж шүүмжилллээ.
Тэрбээр “ ЭНЭ БОЛ УХРАЛТ
ЭНЭ БОЛ ГАДНЫХНЫ БОДЛОГО
Энэ бол Монгол улс үйлдвэржилтийнхээ хаалгыг хааж ТҮҮХИЙ ЭД БЭЛТГЭН НИЙЛҮҮЛЭГЧ улс байсаар байх шийдвэр.
Дэлхийн ноолуурын хэрэгцээний тал хувийг хангадаг манай улс ноолуураа угаагаад боловсруулалгүй, БНХАУ руу гаргасаар ирсэн. Энэ жилээс угааж самнан, нэмүү өртөг шингээсэн ноолуур экспортлох эрхзүйн орчныг бүрдүүлсэн. Уг шийдвэр гарснаас хойш ноолуур самнах 40 үйлдвэр байгуулагдаж, бэлтгэл ажлаа хангаад байна.
Гэтэл арай гэж хөөцөлдөж байж гаргасан шийдвэрийг ЭЗХЯ зогсоож байна.
Үндсэн хуулийн нэмэлт өөрчлөлт хэлэлцэх үед миний бие бусад гишүүдийн хамтаар санаачлага гарган Монгол улсын хөгжлийн бодлогыг тодорхойлон авч явах институц буюу Эдийн засаг, xөгжлийн яам Ministry of Economy and Development байгуулсан билээ. Гэтэл өнөөдөр энэ яам маань ХӨГЖЛИЙНХӨӨ ЭСРЭГ САНАЛ ГАРГАЖ БАЙНА.
Өнөөдөр Засгийн газар энэ асуудлаар хуралдана. УЛС ОРНЫХОО ИРЭЭДҮЙН ТӨЛӨӨ Засгийн газрын бусад гишүүд дэмжихгүй байхыг хүсье” гэжээ.
Б.Ирээдүй
