Туркийн зүүн өмнөд хэсэгт болсон газар хөдлөлтийн гамшигт өртсөн иргэдийг аврах, эрэн хайх ажиллагаа Турк, Сири улсад үргэлжилж байна. Орон нутгийн хэвлэлүүдийн мэдээлснээр, цаг агаарын байдал тааламжтай бус, хүчтэй салхитай, цас, бороо холилдож орж буй нь аврах ажиллагаанд саад учруулж буй аж.
Агаарын температур огцом буурснаас нурангинд дарагдсан хүмүүс осгох магадлал үүссэн тул аврах ажиллагааг шуурхай явуулах шаардлага мөн үүсээд байна.
Гамшигт зөвхөн Газиантеп, түүний ойр орчмын хотууд өртөөгүй. Турк даяар маш олон удаагийн газар хөдлөлт болсон тул иргэд гэртээ орохоос айж, гадаа хонож байна.