Туркад болсон байгалийн гамшгийн хохирол нэмэгдсээр байна. Манай улсын иргэд тус улсад ажиллаж, аялах нь нэлээдгүй. Тэгвэл өнөөдрийн байдлаар 6000 орчим монгол иргэн тус улсад ажиллаж, амьдарч байгаа ажээ.
Монгол иргэд Анкара, Истанбул тэргүүтэй хотуудад амьдарч, сурч байгаа юм байна. Газар хөдлөлт болсон хот болон түүний эргэн тойрны хотуудад манай улсын иргэд амьдардаггүй ажээ. Гадаад харилцааны яамнаас энэ талаар дэлгэрүүлж тодруулсан юм.
Тэдний зүгээс "Бид байнгын мэдээлэл солилцож ажиллаж байгаа. Газар хөдлөлт манай улсын иргэдийн цөөн тоогоор зорчдог бүс нутагт болсон. Одоогоор манай услын иргэд бэртэж гэмтсэн гэх мэдээлэл байхгүй. Бид байнгын холбоотой ажиллаж байна" гэсэн юм.
Шадар сайд С.Амарсайхан одоо холбогдох хүмүүстэй Төрийн ордонд уулзаж байгаа билээ. Энэ уулзалтаар тус улсад байгаа иргэдтэйгээ хэрхэн ажиллах, ямар зөвлөмж өгөх, тусламжийг хэрхэх гэх мэт зүйлсийг ярилцаж байгаа хэмээн албаны эх сурвалж мэдээлэв.Энэ мэдээнд өгөх таны үнэлгээ