Улаанбаатар хотын аварга шалгаруулах тэмцээн улсын төв цэг Сүхбаатарын талбайд анх удаагаа болох гэж байгаа билээ. “UB CUP 2022” тэмцээн тавдугаар сарын 8-ны өдөр эхлэх бөгөөд Улаанбаатар хотын аварга шалгаруулах цомын тэмцээнд нийслэл хотын 9 дүүргийн шигшээ багууд оролцох юм. Тэгвэл уг тэмцээний үеэр "Нийтийн хөлбөмбөг" төслийн нээлтийн ажиллагаанд "Герман-2006" ДАШТ-ий мөнгөн медальт, Английн “Арсенал”, “Челси”, “Тоттенхам Хотспүрс” зэрэг багуудад ктоглож байсан Уильам Галлас оролцохоор болсныг Монголын хөлбөмбөгийн холбооноос мэдэгдлээ. Английн Премьер лигийн цомыг дараалан хүртсэн домогт тоглогчтой уулзаж, дэлхийн одыг ойроос харах боломж тавдугаар сарын 14-ний өдөр тохионо.
