АНУ-ын Төрийн нарийн бичгийн даргын орлогч /Иргэний аюулгүй байдал, ардчилал, хүний эрхийн асуудал эрхэлсэн орлогч/ Узра Зея 2023 оны хоёрдугаар сарын 5-10-ны өдрүүдэд Монгол Улс болон Япон улсад айлчилна гэж Цагаан ордны хэвлэлээс мэдээллээ.
Хатагтай Узра Зея Монгол Улсад хийх айлчлал өнөөдөр эхлэх бөгөөд тэрээр ардчилал, хүний эрх, хууль сахиулах, хууль дээдлэх асуудлаар АНУ-Монголын хамтын ажиллагааг гүнзгийрүүлэх зорилгоор Засгийн газар, иргэний нийгэм, хүний эрхийн байгууллагын төлөөллүүдтэй уулзах юм байна.
Мөн АНУ-Монгол Улс хоорондын Хүүхэд хамгааллын Компакт түншлэлийн 5.5 сая ам.долларын дэмжлэгийн хүрээнд хүүхэд худалдаалах гэмт хэргийн хоригчдод дэмжлэг үзүүлэх, хүүхдэд ээлтэй орчныг ажиллуулах юм байна. Тухайлбал, хүүхэд худалдаалах гэмт хэргийн хоххирогчдыг мэдээллээр хангах, арга зүйн зөвлөмж туслалцаа үзүүлэх хүүхдэд ээлтэй орон зайг ажиллуулах аж.
Түүнчлэн, АНУ-ын Төрийн нарийн бичгийн даргын орлогч Узра Зея Монгол Улсад хийх айлчлалаар ардчилсан түншийн хувьд АНУ-ын үүрэг амлалтыг тэмдэглэх болно гэдгийг Цагаан ордон онцолжээ.
Тэрээр хоёрдугаар сарын 5-8-ны өдрүүдэд Монгол Улсад ажиллаад Япон улсыг зорих аж.
