Ардын язгуур урлагийн Khusugtun Ethnic Band-Хөсөгтөн хамтлаг хамтлаг Европын орнуудад “Жангар” цомгийнхоо аялан тоглолтыг эхлүүлээд байна.
Аялан тоглолтоо Франц Улсын Сенон хотоос эхлүүлсэн “Хөсөгтөн” хамтлаг Парис хотноо Азийн урлагийн Гимей музейд 2022 оны 3 дугаар сарын 26-ны өдөр тоглолтоо хийв.
“Жангар” цомгийг “Нүүдэлчин зам” холбоо продюсерлэж, Буда мюзик /Buda Musique/ лэйбэлийг нь хийж гаргасан бөгөөд саяхан Монгол Улсад зохион байгуулсан соёл урлагийн “Мөнгөн мод” наадмаас оны шилдэг уран бүтээлийн шагнал хүртсэн юм.
Монгол Улсаас Франц Улсад суугаа Элчин сайд У.Нямхүү “Хөсөгтөн” хамтлагийн уран бүтээлчид болон аялан тоглолтыг зохион байгуулж буй “Нүүдэлчин зам” холбооны төлөөлөгчдийг хүлээн авч уулзан аялан тоглолтоо амжилттай үргэлжлүүлэхийг хүсэв. Энэ үеэр Монгол Улсыг сурталчлах чиглэлээр Франц Улсад зохион байгуулахаар зорьж буй соёл урлагийн төсөл, хөтөлбөрийн талаар санал солилцлоо гэж Парис дахь Япон улсын ЭСЯ мэдээлэв.
