CSGO-ын 1 сая ам.долларын шагналын сантай "IEM Katowice 2023" тэмцээн Польш улсын Катовиц хотод үргэлжилж байна.
Тус тэмцээнд Ази тивийг төлөөлөн оролцож буй цор ганц баг Монголын "IHC Esports" Бразилын аваргуудыг хожиж шинжээчдийн таамгийг эвдлээ.
Play-In шатны эхний тоглолтод Оросын "Cloud9"-д "Mirage" талбайд (Map) 16-5 харьцаагаар хожигдоод байсан тэд доод хүснэгтийн (Lower Bracket) хоёр шатанд Бразилын аваргуудыг илүүрхэв.
Тэд Бразилын шилдэг гурван багийн нэг "paiN Gaming"-ыг 2-0 (Inferno 16-12, Nuke 16-11) харьцаагаар хожиж улмаар хэсгийн шатанд шалгарах эрхийн төлөө "FURIA Esports" багийг 2-1 (Nuke 16-14, Mirage 16-19, Anubis 16-10) харьцаагаар хожсон юм.
Ингэснээр Катовицын их дуулгын А хэсэгт АНУ-ын "Team Liquid" багтай тоглохоор болов
