Германы канцлер О.Шольц, Берлинд айлчилж буй Энэтхэгийн Ерөнхий сайд Нарендра Модитай хэлэлцээ хийж, хоёр тал засгийн газрын зургаа дахь зөвлөлдөх уулзалтаа эхлүүлэв. О.Шольц Н.Модиг 6-р сарын сүүлээр болох G7-ийн дээд хэмжээний уулзалтад албан ёсоор урьж, Энэтхэг бол Германы стратегийн хамтын ажиллагааны чухал түншүүдийн нэг гэдгийг онцлон тэмдэглэв.
Энэтхэгийн Ерөнхий сайд Н.Моди хэлэхдээ "Хоёр талын засгийн газрын зөвлөлдөх уулзалт нь стратегийн түншлэлийн харилцаанд ихээхэн ач холбогдол өгч байгааг харуулж байна" хэмээжээ. Хоёр талт хэлэлцээний дараа О.Шольц, Н.Моди нар хоёр орны засгийн газрын зургаа дахь зөвлөлдөх уулзалтыг даргалж, Ногоон ба тогтвортой эрчим хүчний түншлэлийн хэлэлцээрт гарын үсэг зурав, Уг зөвлөлдөх уулзалтад хоёр улсын сайд, бизнесийн төлөөлөгчид оролцож, уур амьсгалыг хамгаалах, бизнес болон хөгжлийн хамтын ажиллагаа зэрэг олон салбарын гэрээ хэлэлцээрт гарын үсэг зурсан байна.
