Английн Төв банк бодлогын хүүгээ дахин өсгөхгүй байх дохио зах зээлд өгөөд байна
Европын Төв банк бодлогын хүүгээ 50 суурь нэгжээр өсгөхөөр шийдвэрлэлээ. Түүнчлэн инфляцын дарамт саарах дүр зураг ажиглагдахгүй байгааг Европын Төв банкны Ерөнхийлөгч Кристин Лагард мэдэгдэв.
Энэ утгаараа ирэх сард болох уулзалтаараа дахин 50 суурь нэгжээр өсгөх дохиог тэрбээр зах зээлд өглөө. Европын Төв банкны бодлогын хүү ийнхүү 2008 оноос хойших дээд цэгтээ буюу 2.5 нэгж хувьд хүрээд байна.
Үүнээс гадна Английн Төв банк шийдвэрээ танилцууллаа. Бодлогын хүүгээ мөн адил 50 суурь нэгжээр өсгөхөөр шийдвэрлэсэн бол дахин өсгөхгүй байх дохио зах зээлд өгөөд байна. Инфляцын дарамт харьцангуй тогтворжих төлөвтэй гэж үзжээ.