Азийн хөлбөмбөгийн холбооны ээлжит XXXIII их хурал Бахрейны нийслэл Манама хотноо өчигдөр боллоо. Хурлаар зохион байгуулалтын асуудал хэлэлцэж, Азийн хөлбөмбөгийн холбооны Ерөнхийлөгч Шейх Салман Бин Халифаг албан тушаалд нь улираан сонгосон байна. Монголын хөлбөмбөгийн холбооноос энэ талаар мэдээллээ.
Бүс хариуцсан таван дэд ерөнхийлөгчийг нь мөн улираажээ. Ингэснээр Монголын хөлбөмбөгийн холбооны Ерөнхийлөгч, Азийн хөлбөмбөгийн холбооны Зүүн бүс хариуцсан дэд ерөнхийлөгч А.Ганбаатар албан тушаалдаа улирч үлджээ.
Хурлын үеэр Монголын Хөлбөмбөгийн холбооны удирдлагын баг Азийн гишүүн бусад холбоодтой хийж хэрэгжүүлэх төсөл хөтбөлбөрүүдээ уялдуулах, хамтран ажиллах, нөхөрсөг тоглолтууд, бусад улс орнуудад очиж бэлтгэл сургуулилт хийж туршлага хуваалцах олон хөтөлбөрүүдийг хэлэлцэн тохирсон байна.