Сэтгүүлч Б.Отгон койныг сэрэмжлүүлсээр байтал мөнгөө алдсан хүмүүс өөрөөсөө л болсон шүү. Өмнө нь сануулсаар байсан гэдгийг баримттайгаар өнөөдөр дахин постолж, “НЭРТЭЙ, ЗҮСТЭЙ, БОЛОВСРОЛТОЙ ДҮР ЭСГЭГЧИД БҮР ӨӨРСДИЙН ДҮРМЭЭ ЗОХИОЖ БАЙГААД ЛУЙВАР ХИЙДЭГ БОЛСОН ШҮҮ” хэмээн дахин сануулав.
Тэрбээр “Койнд мөнгөө алдчихлаа гэж өнөөдөр уйлж буй хүмүүс яг үнэндээ өөрсдөөсөө болсон шүү. Тухайн үед "луйвар" гэдгийг хэлэхээрээ нэг л болж байлаа. Болохгүйг нь мэдсээр байж, би л хэдэн төгрөгтэй болж байвал бусад нь болоод хууль, дүрэм хамаагүй гэсэн аминч бодол дээр нь ашиг хайгч луйварчид овжноор тоглосон юм шүү. Өөрсдийгөө од гээд бодчихсон тэнэг пацаанууд койн сурталчилж, ард түмний тархийг угааж байх үед буюу 2021 онд ингэж бичиж байлаа. Уг нь хамаг байдгаараа ойлгуулах гэж бичсэн ч "чамд ямар хамаа байна, оролцохгүй сэдэв гэж алга уу" гээд барьж идүүлэхээ алдаж билээ. Мөнгө хүчтэй юм билээ.
Залилан улам төгсөрч байгааг дахиан сануулья. Нэртэй, зүстэй, боловсролтой дүр эсгэгчид бүр өөрсдийн дүрмээ зохиож байгаад ЛУЙВАР хийдэг болсон шүү.
2021 онд бичиж байснаа дахиад сануулахад илүүдэхгүй.
Койнчид хариуцлага хүлээхгүй өнгөрвөл цаашид луйвар улам цэцэглэнэ” гэжээ.
Түүний өмнө нь бичиж байсан зүйлийг зургаар хавсаргав.
Б.Ирээдүй