НАТО-гийн Ерөнхий нарийн бичгийн дарга Йенс Столтенберг Өмнөд Солонгосыг Украинд үзүүлэх цэргийн тусламж дэмжлэгээ нэмэгдүүлэхийг уриалж, мөргөлдөөнтэй байгаа орнуудад зэвсэг экспортлохоос татгалзах бодлогоо эргэн харахыг санал болгов.
Сөүлд айлчилж байгаа Столтенбергийн хэлснээр бол Украинд эдүгээ сум яаралтай хэрэгтэй байгаа аж.
Столтенберг Сөүл хотод хэлсэн үгэндээ "Эцэст нь шийдвэр ийм та бүхнээс шалтгаална, гэхдээ мөргөлдөөнтэй орнуудад хэзээ ч зэвсэг экспортлохгүй байх бодлого баримталж байсан НАТО-гийн хэд хэдэн холбоотнууд энэ бодлогоо өөрчилсөн гэдгийг би хэлье" гэжээ.
Дайн эхэлснээс хойш Өмнөд Солонгос НАТО-гийн гишүүн Польшид олон зуун танк, нисэх онгоц болон бусад зэвсэг нийлүүлэх гэрээ байгуулсны зэрэгцээ хүмүүнлэгийн тусламжийг Украинд шилжүүлээд байгаа юм.