НАМЭХ-ны ээлжит бус их хурал болж, ерөнхийлөгчөөрөө УИХ-ын гишүүн, Боомтын асуудал эрхэлсэн сайд Х.Булгантуяаг сонголоо. Тус хуралд 410 төлөөлөгч оролцож, Х.Булгантуяа сайд өрсөлдөгчгүйгээр НАМЭХ-ны тэргүүнээр сонгогдлоо. Өөрөөр хэлбэл, одоогийн тэргүүн, УИХ-ын гишүүн Д.Сарангэрэл өөрийн хүсэлтээр нэрээ татсан. Тиймээс НАМЭХ-ны тэргүүнд Х.Булгантуяа сайдын нэрийг дэвшүүлсэн ч тэрээр өрсөлдөгчгүй болж, ганцаараа үлдсэн юм. Мөн тус хуралдаанаас НАМЭХ гэх нэрийг Монголын Социал демократ эмэгтэйчүүдийн холбоо /СДЭХ/болгон өөрчлөөд байна.
Уг хуралд Ерөнхий сайд Л.Оюун-Эрдэнэ үг хэлсэн бөгөөд тэрээр СДЭХ-ны тэргүүнд УИХ-ын гишүүн, Монгол Улсын сайд Х.Булгантуяаг нэр дэвшүүлсэн. Тэрээр хэлсэн үгэндээ "Өнгөрсөн 30 жилийг дүгнэж үзвэл, парламентын засаглалыг төлөвшүүлж чадсан, тайван замаар сонгуульд эрх барьж бас ялагдаж сурсан, улс төрийн намууд төлөвшсөн, олон ургальч нийгмийн үзэл баримтлал, хүний эрх эрх чөлөөний томоохон үзүүлэлт Монгол Улсын хөрсөнд соёолж эхэлсэн. Мөн гадаад харилцаа нээлттэй ид тод болсон, хуувийн хэвшил бэхжсэн. 1992 оны статистик дүнтэй харьцуулбал, Монгол Улсын эдийн засаг 17 дахин тэлсэн. Энэ бол сайн зүйлс. Гэхдээ өнгөрсөн 30 жилийн хугацаанд бид алдаа гаргасан. Тухайлбал, өмч хувьчлахаас эхлээд нийгмийн баялаг тэгш бус хуваагдсан. Хэдийгээр эдийн засаг 17 дахин тэлсэн ч иргэдийн амжиргаа 17 дахин сайжирч чадаагүй.
Энэ байдлын улмаас хариуцлагагүй, авлигажсан нийгмийг бүхэлд нь бий болгосон. Тиймээс МАН энэ бүхнийг өөрөөсөө эхлэх ёстой. Дэг журмыг дээрээсээ эхэлж тогтоох ёстой. Бид ёс зүйн өндөрлөг дээр өөрсдөө бат зогсохгүй бол цаашид эрх баригч нам мөн улс төрийн манлайллын түвшинд байж чадахгүй. Энэ байдлын улмаас хариуцлагагүй, авлигажсан нийгмийг бий болгосон. Тиймээс МАН энэ бүхнийг өөрөөсөө эхлэх ёстой. Бид ёс зүйн өндөрлөг дээр өөрсдөө бат зогсохгүй бол цаашид эрх баригч нам мөн улс төрийн манлайллын түвшинд байж чадахгүй" гэлээ.
