Сангийн сайдын тушаалаар НӨАТ-ын буцаан олголтыг улирал тутамд олгодог болсон билээ. Тэгвэл 2022 оны дөрөвдүгээр улирлын НӨАТ-ын буцаан олголтыг өнөөдрөөс эхлэн иргэдийн дансанд шилжүүлэх аж.
2022 оны дөрөвдүгээр улиралд НӨАТ-ын буцаан олголтоор зарим татвараа төлөх боломжтой болсон. Тодруулбал, автотээврийн хэрэгслийн албан татвар, галт зэвсгийн албан татвар, үл хөдлөх эд хөрөнгийн албан татвар, газрын төлбөр /газар эзэмшигч/, газрын үл хөдлөх эд хөрөнгийн албан татвар /газар өмчлөгч/, малын тоо толгойн албан татвар, авто замын байгууламж ашигласны төлбөр төлөх боломжтой. Тэгвэл иргэд дараах татвараа төлсөн байна.
-41257 татвар төлөгч 772.3 сая төгрөгийн хөрөнгийн албан татвараа төлөв.
-612 татвар төлөгч гурван сая төгрөгийн авто зам, байгууламж ашигласны төлбөр төлөв.
