Өнгөрсөн 4 дүгээр сарын 28-нд “Архангай аймгийн Цахир сумын нутаг дэвсгэрт ашигт малтмал олборлох зөвшөөрлийг хууль зөрчин үгсэн хуйвалдаж олгосонд нутгийн иргэд бухимдалтай байна” гэх утгатай мэдээлэл цахим орчинд нийтлэгдсэн.
Энэ талаар цагдаагийн байгууллагаас тодруулахад “Тухайн мэдээллийг нийтлэгдсэн даруйд цагдаагийн байгууллагаас шалгалтын ажиллагаа явуулсан. Архангай аймгийн Цахир сумын нутаг дэвсгэрт байрлах Хясаа уулын ойр хавьд одоогоор хууль бусаар газрын хэвлийд халдаж олборлолт болон хайгуулын ажил хийгдээгүй байна” хэмээн мэдээллээ.
