БНХАУ, Хонгконг, Сингапурын 50 гаруй компани нүүрсний платформоор дамжуулан нүүрс худалдан авах сонирхлоо илэрхийлж бүртгүүлснийг Монголын Хөрөнгийн биржийн Гүйцэтгэх захирал Х.Алтай мэдэгдлээ.
Харин дотоодоос “Эрдэнэс Тавантолгой”, “Тавантолгой” болон “Mongolian Mining Corporation” компаниуд энэхүү цахим платформоор нүүрсээ арилжихаар бэлдээд байна. Одоогоор туршилтын эхний арилжаагаа хийсэн бол хоёрдугаар сараас тогтворжино гэдгийг онцлов.
Харин Судлаач М.Дагва “Зах зээл одоогоор борлуулагч талдаа ашигтай байгаа учраас зах зээлийн нөхцөл байдал эргэх болгоомжтой байх”-ыг анхааруулж байна. Мөн уул уурхайн биржийн тухай хууль хүчин төгөлдөр мөрдөгдсөнөөр нүүрснээс бусад экспортын бүтээгдэхүүнийг ч биржээр арилжаалахад системийн хувьд бэлэн байгааг тодотголоо.
Бусад экспортын бүтээгдэхүүнүүдээ биржээр гаргахдаа зах зээл, логистикийн нөхцөл байдлаа сайтар тооцоолох хэрэгтэй гэдгийг “Баялаг жонш” компанийн захирал П.Хурцбилигт онцолж байлаа.