Чех улсын Ческа Липа хотноо амьдардаг Монгол Улсын иргэн сураггүй алга болжээ.
Тус хэрэгт ГХЯ-ны Консулын газар болон Монгол Улсаас Чех Улсад суугаа Элчин сайдын яам анхаарал тавин ажиллаж байгаагаа мэдэгдлээ. Ингэхдээ Чех дэх цагдаагийн газар болон холбогдох бүхий л байгууллагатай хамтран ажиллаж байгаа бөгөөд цагдаагийн газраас хэрэг бүртгэл, мөрдөн шалгах ажиллагааг эхлүүлсэн байна. мөн албан ёсоор эрэн хайх ажиллагааг эхлүүлсэн аж. Чех дэх ЭСЯ эрлийн ажиллагааны талаар байнгын мэдээлэлтэй ажиллаж байна гэж ГХЯ-аас мэдээллээ.
Үүнээс гадна тухайн иргэний Монгол болон Чех дэх гэр бүлийнхэнтэй нь байнгын холбоотой ажиллаж байга юм. Хувь хүний нууцтай холбоотой асуудал тул одоогоор тухайн иргэний талаар дэлгэрэнгүй мэдээлэл өгөх боломжгүй ажээ.