Хөгжлийн бэрхшээлтэй хүүхдэд төрийн үйлчилгээг цогц хэлбэрээр үзүүлэх салбар дундын уулзалт өчигдөр боллоо. Энэхүү уулзалтыг сар бүр тогтмол зохион байгуулж төрийн байгууллагуудын авч хэрэгжүүлж байгаа нь бодлого шийдвэрийг танилцуулах, аав ээж асран хамгаалагчдын саналыг авах ач холбогдолтой юм.
2023 оны эхний уулзалтад БШУЯ, ЭМЯ, ХНХЯ-ны төлөөлөл оролцож мэдээлэл өгсөн. Мөн хөгжлийн бэрхшээлтэй хүүхэдтэй эцэг эх асран хамгалагчид төрийн бус байгууллагын төлөөлөл оролцсон юм. Монгол Улсын хэмжээнд 0-18 насны хөгжлийн бэрхшээлтэй 12 мянга орчим хүүхэд байдаг.
Түүнчлэн, тусгай сургуулийг хүүхдэд цогц дэмжлэг үзүүлэх төв болгох,
-Насан туршийн боловсролын төвд суурилсан үйлчилгээ үзүүлэх,
-Хувийн хэвшлийн байгууллагуудтай гэрээ байгуулан хамтран ажиллах,
-Гэр бүлийн орчинд явуулын үйлчилгээ үзүүлэх гэсэн дөрвөн боломжийг энэ удаагийн уулзалтын үеэр боловсрол шинжлэх ухааны сайд танилцуулсан. Уулзалтад оролцсон эцэг эх, асран хамгаалагчид хөгжлийн бэрхшээлтэй хүүхэдтэй ажиллах багш, боловсон хүчин дутмаг байдаг талаар санал хэллээ.
