Улаанбаатар хотын хэт төвлөрлийг сааруулах үүднээс “Хот хөдөөгийн сэргэлт” бодлогыг Засгийн газар хэрэгжүүлж ажиллаж буй. Хотоос хөдөө орон нутагт шилжин суурьшиж, ажил үйлчилгээ эрхлэх иргэн, ААН-д тодорхой хэмжээний дэмжлэг үзүүлэх зардлыг 2023 оны төсөвт суулгасан.
Тухайлбал,
-Хөдөө орон нутагт шинээр барилга байгууламж, үйлчилгээ эрхлэх уул уурхайн бус салбарын ААН-д таван жилийн хугацаатай, нэг хувийн хүүтэй зээл олгоно.
-Хотоос үйлдвэр агуулахаа нүүлгэсэн ААН-д 500 сая хүртэл төгрөг, иргэнд 50 сая төгрөгийн дэмжлэг үзүүлнэ.
-Хөдөө орон нутгийн төрийн албан хаагчийн цалинг хоёр дахин нэмэгдүүлж, цалингийн нэмэгдэл олгоно. Ингэхдээ орон нутагт бие даан нэмэгдлийн хэмжээг тогтоох эрхийг олгоно.
-Улаанбаатар хотоос хамгийн их хүн ам татсан аймгуудад төсвийн урамшуулал олгоно.
-Хотоос хөдөө орон нутаг руу шилжсэн иргэдэд орон сууцны ипотекийн гурван хувийн хөнгөлөлттэй зжэжл олгоно. Хугацаа 30 жи, 70 сая хүртэл төгрөгийн зээлийг арилжааны банкны эх үүсвэрээр олгож, хүүгийн зөрүүг улсын төсвөөс тус тус олгохоор болсон.
