Залуучуудын өвлийн IV наадам ирэх онд БНСУ-ын Канвонд болно. Тэгвэл тус улсаас албан ёсны бэлгэ тэмдгээ танилцуулав. Бэлгэдлийн нэрийг "Moongcho Moongcho " гэж нэрлэжээ.
"Пёнчан-2018" оны өвлийн олимпын бэлгэдэл болох "Soohorang", "Bandabi" нарын цасан байлдааны үеэр бий болсон хөгжилтэй цасан бөмбөлөг "Moongcho" юм. Уг загварыг коллежийн оюутан эмэгтэй болох Пак Со Юн гаргасан байна. "Moongcho" нь Пёнчаны өвлийн олимпод оролцсон тамирчдын бүхий л ур чадварыг өөртөө шингээсэн дүр юм.
Бэлгэдлийн нэр нь оюун бодол, хүч чадлыг нэгтгэнэ гэсэн утга бүхий "Moongchida" гэх ханзнаас үүсэлтэй байна. Залуучуудын өвлийн олимп 2024 оны нэгдүгээр сарын 19-нөөс хоёрдугаар сарын 2-ны хооронд болно. Нийт 1900 тамирчин спортын долоон төрөлд өрсөлдөх юм. 81 багц медалийн төлөө өрсөлдөнө.
