Оюутан хүүхэд ажиллуулчихаад цалин мөнгө өгөхгүй байгаа тухай асуудлаар ШӨХТГ-ын дарга асан С.Мөнхчулуун иргэд хандаж байгаа тухай постолж, энэ асуудлаар ХНХЯ-нд хандаж, шалгуулна гэжээ.
Тэрбээр "Цалин өгөхгүй байна, оюутан хүүхэд ажиллуулчхаад цалинг нь өгсөнгүй хаана хандах вэ гэх асуултууд ирэх юм.
Тухайн асуудлаар Хөдөлмөр нийгмийн хамгааллын яаманд гомдол гаргаж шалгуулна. 2023 оны 1 сарын 1-ээс өмнө Мэргэжлийн хяналт хариуцаж байсан бөгөөд татан буугдаж улсын байцаагчид нь мэргэжлийн яамдруугаа шилжсэн болно.
Зөрчлийн тухай хуулиар ажилтны цалин хөлсийг хүндэтгэн үзэх шалтгаангүйгээр тогтоосон хугацаанд нь олгоогүй, эсхүл саатуулсан бол учруулсан хохирол, нөхөн төлбөрийг гаргуулж хүнийг таван зуун мянган төгрөгөөр, хуулийн этгээдийг таван сая төгрөгөөр торгоно гэж заасан байдаг. Мөн ажилласан хугацааны цалинг шаардахдаа шүүхийн журмаар нэхэмжлэл гаргаж болно" гэжээ.
