Яруу найрагч Ц.Хуланг ТЕГ-аас саатуулсан гэсэн мэдээлэл гарсан. Түүнийг ямар шалтгаанаар саатуулсан талаар Хууль зүй дотоод хэргийн сайд Х.Нямбаатар мэдээлэл өглөө.
Тэрээр “Би ТЕГ-ын дарга П.Одонбаатартай утсаар холбогдож мэдээлэл авсан. Яруу найрагч Ц.Хуланг тэдний харьяаллын хэрэг дээр шалгах шаардлагатай болоод баривчилсан. Эрүүгийн хуульд заасан төрийн эсрэг гэмт хэргийн бүлгийн тодорхой хэрэгт холбогдуулан шалгах шаардлага байна гэсэн мэдээллийг өгсөн. Манайд гурван мөрдөх алба байдаг. Тагнуулын харьяаллын хэрэг бол үндэсний аюулгүй байдлыг эсрэг гэмт хэргүүд. Эх орноосоо урвах, тагнуул хийх гэх мэт хэргүүдэд ТЕГ мөрдөн шалгах ажиллагаа явуулдаг. Эрүүгийн хуулийн 22 дугаар бүлэгт заасан албан тушаалын хэргүүд дээр АТГ, бусад бүх хэрэгт цагдаагийн байгууллага шалгалт явуулдаг” гэв.
