Хүүхдийн мөнгө олгох, өрхийн мэдээллийн сангийн мэдээлэл зөрсөн асуудлаар холбогдох албаныхан мэдээлэл хийлээ.
Улсын бүртгэлийн ерөнхий газрын дарга Д.Дэлгэрсайхан: Улсын бүртгэлийн мэдээллийн санд иргэдийн итгэх итгэл эргэлзээгүй байх тал дээр ажиллаж байна. Gov.mn сайт руу ороод иргэний байнга оршин суугаа мэдээллийг шалгах гэдэг цэс байгаа. Тэр цэсээрээ ороод бүртгэлийн дугаар юм уу, регистрийн дугаараараа өөрийн хаяган дээр хэдэн хүн байна вэ гэдэг мэдээллийг харж болохоор болсон. Хэрвээ таны хаяг дээр таны мэдэхгүй хүн байвал үүнийг Улсын бүртгэлийн байгууллага руу сайтаараа дамжуулан тайлбараа бичиж явуулах боломжтой. Манай ажилтнууд шуурхай арга хэмжээ авч, мэдээллийг засч өгнө. Улсын бүртгэлийн байгууллагын ажилтны хувьд энэ өдөр бүхэн хийгддэг ажил.
