
Өчигдөр ОХУ-ын Батлан хамгаалах яам Соледар хотыг эзэлсэн тухай мэдэгдэв. Украины тал тэр үед үүнийг батлаагүй, одоо ч батлахгүй байна. Гэсэн хэдий ч ОХУ-ын БХЯ-ны тэргүүн С.Шойгу Соледарыг бүрэн хяналтад оруулсан гэж хэлэхэд эрт байна гэжээ. Энэ мэт зөрүүтэй мэдээлэл явж байна. Харин энэ талаар ВВС агентлаг өчигдөр мэдээлжээ.
Өчигдөр өглөө Украины үндэсний телевизийн эфирт Донецк мужийн цэргийн удирдлагын дарга Павло Кириленко хэлэхдээ: "Соледар, Бахмут бол хамгийн халуун чиглэл хэвээр байна. Соледарыг Украины эрх баригчид хянаж, манай арми хотыг барьж байна. Цаашид манай цэргүүд хэд хэдэн фронтоор урагшлах болно" гэжээ.
Украины хэвлэл мэдээллийн хэрэгслээр хотын дэргэдэх давсны уурхайн дээр Украины далбааг мандуулж буй бичлэг цацагдсан байна. Харин энэ дүрс биччлэгийн жинхэнэ эсэхийг баталгаажуулаагүй байна.
Энэ талаар Германы сэтгүүлч Жулиан Рёпке үүнд дүн шинжилгээ хийж, оросууд хотын 95%-ийг хяналтандаа байлгаж байгаа ч Украины арми нэг уурхай, баруун хэсгийн төмөр зам, Соль сууринг хянасан хэвээр байна гэж дүгнэжээ.
Эх сурвалж: ВВС