Нийслэл хотод үүсдэг хамаг л зовлон, бэрхшээл өвлийн гурван сард ихсэж, эмхэтгэх ажлыг нь харин Хотын удирдлагууд хариуцдаг жамтай. Гэсэн ч өдийгөөс төдий хүртэл өвлийн улиралд хийгддэг ажлууд хоцрогдож, “хөлдсөөр” ирэв. Халтиргаа , Утаагүйгээр Монголын өвлийг төсөөлшгүй болжээ. Үе үеийн олон дарга нар ард түмний чихэнд улиг болтол хүүрнэсэн нөгөө л асуудлуудтай өвөл үргэлжилсээр.
Тэртээ 2013 онд Нийслэлийн хот тохижилтын газрын даргаар ажиллаж байсан Д.Энхбат “Хэдий болтол шар хантаазтай хүмүүс тоос бужигнуулан хог шүүрдэж, өвлийн хүйтэнд нүцгэн гараараа замын цас, мөс арилгах вэ.дээ Бид үүнийг өөрчилж, орчин үеийн техник, технологийн дэвшлийг нэвтрүүлэх болно. Тухайлбал, цас цэвэрлэгч машин шинээр авч, давс, хайрга цацах тусгай төхөөрөмжтэй болно. Энэ өвлийг замын халтиргаагүй байлгана" хэмээн хэлсэн удаатай.Ийнхүү цас цэвэрлэгч машины сураг гараад хэдийнээ 10-аад жил өнгөрсний дараагаар 2022 оны гуравдугаар сард Нийслэлийн төсвийн хөрөнгөөр Хот тохижилтын газар ОНӨААТҮГ-ын захиалгаар дөрвөн тэрбум төгрөгийн тендер шалгаруулалтыг зарласан байна. Төрийн худалдан авах ажиллагааны газрын цахим системээс харвал тус тендерт “Батсээр”ХХК шалгарч тус бүр нь 125 сая төгрөгийн үнэ бүхий тусгай машинууд нийлүүлж эхэлжээ.
Харин баримтаас харахад тус машин нь Taoboa.com, Alibaba.com болон Bgclean.co.uk зэрэг сайтад 18-25 мянган ам.доллар буюу 63-87 сая төгрөгийн үнэтэй байна . Хот 3.5 тэрбумаар 28-ыг авсан.. Тэгвэл Хятадын худалдааны сайтууд дахь жишиг үнээр тооцоход, 3.5 тэрбумаар 50 ширхэг "Ногоон" авах боломжтой байжээ. Үүнээс үзэхэд бас л эх орноосоо хулгай хийсэн хэрэг болж таарлаа.
Эгэл жирийн Монгол залуугийн бүтээсэн цас, мөс арилгагч тэрэг нь 100,0-250,0 мянган төгрөгийн үнэтэй байна. Ямартай ч 125 сая төгрөгний үнэ бүхий ногооны дэргэд халтирч унаж , эдэлгээ даахгүй эвдрээд байхааргүй бат бөх харагдана.Дээгүүрээ хуувилдаж иргэдээ хуурч дээлийнхээ өврийг түнтийлгэж авсан Нүүрсний хулгайчидтай зэрэгцээд "Цас мөсний төсийн хулгай"-чид бий болжээ дээ...
Улсын төсвөө улсдаа үлдээж болох л байж дээ Хотын дарга аа
О.Сарантуяа
