Хятад улс Даваа гарагт Хятадын өмнөд хэсгийн Хайнань мужийн Вэнчан сансрын төвөөс гурван шинэ хиймэл дагуулыг сансарт амжилттай хөөргөв.
"Шижянь-23", "Шиян-22А", "Шиян-22В" гэсэн нэртэй хиймэл дагуулуудыг Бээжингийн цагаар өглөөний 06:00 цагт "Чанчжэн-7" зөөгч пуужингийн өөрчилсөн хувилбараар хөөргөж, төлөвлөсөн тойрог замдаа амжилттай хүрсэн байна.
"Шижянь-23" хиймэл дагуулыг голчлон шинжлэх ухааны туршилт, техникийн баталгаажуулалтад ашигладаг бол "Шиян-22А", "Шиян-22В" хиймэл дагуулыг сансрын орчныг хянах зэрэг шинэ технологиудыг тойрог замд баталгаажуулах туршилт хийхэд ашигладаг.
Энэхүү хөөргөлт нь "Чанчжэн" зөөгч пуужингийн 459 дэх цуврал дараалсан хөөргөлт байв.
Эх сурвалж: Синьхуа
