Эдийн засгийн чөлөөт бүсээс татваргүй архи худалдан авч онцгой албан татварын хуурамч тэмдэг /акц/ нааж, нийслэлд худалдан борлуулж их хэмжээний ашиг олдог бизнесийн томоохон сүлжээ бүлэглэлийг цагдаагийн байгууллага илрүүлж, шалгаж байна.
Тодруулбал: Иргэн "А" бусадтай бүлэглэн Сэлэнгэ аймгийн Алтанбулаг чөлөөт бүсээс их хэмжээний импортын виски, архи согтууруулах ундаа худалдан авч, онцгой албан татварын хуурамч тэмдэг нааж, их хэмжээний татвар төлөхөөс зайлсхийж, ашиг олж мөнгө угааж байсан хууль бус үйлдлийг илрүүллээ. Сүүлд өгсөн мэдээллээр цагдаагийн алба хаагчид импортын 9,800 орчим архи, виски мөн энэ тооны онцгой албан татварын хуурамч тэмдэг /акц/ хураан авч, шалгалтын ажиллагаа явуулж байна.
