“Хууль бусаар агнасан баавгайн арьс Улаанбаатар хотын Багануур дүүрэгт байна” гэсэн дуудлага энэ сарын 2-нд 21:00 цагийн орчимд цагдаагийн байгууллагад бүртгэгджээ. Уг мэдээллийн дагуу Багануур дүүргийн цагдаагийн хэлтсийн алба хаагчид шалгалтын ажиллагаа явуулж, тус дүүргийн оршин суугч 44 настай, Б гэх эрэгтэй баавгайн толгойтой арьс, сарвуу, гахайн толгой, хандгай болон бугын арьс зэргийг хадгалж байсныг илрүүлэн мөрдөн шалгаж байна
Энэ хэрэгтэй холбогдуулан иргэдийг хууль бус ан агнахгүй байх, хууль бус ангийн гаралтай түүхий эд хадгалахгүй, худалдахгүй, худалдан авахгүй, тээвэрлэхгүй байхыг цагдаагийн байгууллагаас анхаарууллаа.
