2020 оноос хойш дэлхий нийт анх удаа шинэ жилийн баярыг Ковид хязгаарлалтгүй тэмдэглэж байгаа гэдэг утгаараа өргөн дэлгэр, үзэмж төгсөөр шинэ оноо угтацгаав. Хорио цээрийн дэглэмээс залхсан манай гарагийн оршин суугчид шинэ жилээ тэмдэглэх боломжийг бүрэн дүүрэн ашиглаж байна хэмээн дэлхийн хэвлэлүүд онцолж байна.
Лондонд шинэ жилийн салют, гэрлийн шоуны үеэр салют буудуулж, Хатан хааны морин харуулын байрыг Украины далбааны өнгөөр түр гэрэлтүүлжээ. Британчууд ОХУ-ын халдлагад өртсөн Украинтай эв санааны нэгдэлтэй байгаагаа ийнхүү илэрхийллээ.
Түүнчлэн хэдэн арван дрон ашиглан бүтээсэн хатан хаан II Елизаветагийн дүрсийг Лондоны тэнгэрт тодорч харагджээ.
Киевт хөл хорио тогтоосон тул шинэ жилээ эрт тэмдэглэхээс өөр аргагүй болсон.
Москва хотын захиргаа шинэ жилийн баярыг тохиолдуулан салют буудах, томоохон арга хэмжээг цуцлах шийдвэр гаргасан. Улаан талбай болон төвийн зарим гудамжийг аюулгүй байдлын үүднээс хаажээ.
Сидней хот 2023 оныг салют буудаж тэмдэглэж байна.
Дорно дахины тооллоор Хятадын шинэ жил эхлэхэд гурван долоо хоног дутуу байгаа ч Хонг Конг Григорийн тооллоор шинэ жилийг тэмдэглэдэг.
Токио хотод хуучин оны сүүлийн мөчүүдийг өнгөт гэрэл шоугаар чимж шинэ оноо угтав.
Астана дахь баярын салют иймэрхүү байдалтай харагдаж байв
Дубайд дэлхийн хамгийн өндөр Бурж Халифагийн барилгаас баярын салют буудав
Бразилийн Рио-де-Жанейро хотод хоёр сая орчим хүн алдарт Копакабана далайн эрэг дээр ирж, шинэ жилийн баяраа тэмдэглэж, салют буудлаа.
Эх сурвалж: ВВС
