Дундговь аймагт “Нээлттэй ажлын байрны өдөрлөг” зохион байгуулж, 36 иргэн байнгын ажлын байранд тэнцлээ.
Монголын Алт /МАК/ ХХК-ий хүний нөөц, сургалтын алба, аймгийн ЗДТГ, ХХҮГ, Дундговь Политехник Коллеж хамтран тус өдөрлөгийг зохион байгуулж, идэвхтэй ажил хайгч 125 иргэн оролцож мэдээлэл авчээ.
Эдгээр иргэдээс нээлттэй зарласан сул чөлөөтэй ажлын байранд 72 иргэн анкет өгч, ажлын ярилцлагад орсноор байнгын ажлын байранд 36 хүн тэнцэж, нөөцөд 10 хүн бүртгүүлжээ.
2022 оны 2 дугаар сарын байдлаар аймгийн ХХҮГ ний 23 ажлын байрны захиалга хүлээн авч, 15 иргэнийг ажлын байранд зуучилсан байна. Аймгийн хэмжээнд 2 дугаар сарын байдлаар ХХҮГ-т бүртгэлтэй, идэвхтэй ажил хайгч 360 иргэн байгаа аж.
