Дэлхийн бөхийн нэгдсэн холбооноос (UWW) 2023 оны чансааны оноо өгөх тэмцээнүүдийн хуваарийг танилцууллаа.
Чансааны эхний тэмцээн хоёрдугаар сарын 1-5-нд Хорватын Загреб хотод болох юм. Дараа нь Каир (2-р сарын 23-26, Египет), Бишкек (6-р сарын 1-4, Кыргызстан), Будапешт (7-р сарын 13-16, Унгар) хотуудад болох тэмцээнээс чансааны оноо өгнө.
Бөхчүүд мөн тивийн аваргууд, ДАШТ, Азийн наадам, Панамерикийн наадамд чансаагаа ахиулах боломжтой.
ДАШТ есдүгээр сарын 16-24-нд Сербийн Белград хотод, Азийн АШТ гуравдугаар сарын 28-наас дөрөвдүгээр сарын 2-нд Энэтхэгийн Нью Дели хотод болно. Харин Азийн наадам есдүгээр сарын 23-наас аравдугаар сарын 8 хүртэл Хятадад явагдах юм.
