Цэнхэр дэлгэцээр олны танил болсон нэвтрүүлэгч Д.Цовоогийн охин Б.Номин урд хөрш рүү өдөрт 100 автомашин нүүрс тээвэрлэгдэг гэхэд олон хүн өмөөрсөн, бас нэг хэсэг нь бухимдсан.
Тэгвэл Б.Номингийн мэдлийн өөр нэг компани 3 тэрбум 345 сая 795 мянган төгрөгийн тендерт ялсан нь тохиолдол аль эсвэл...
Тэр нь Өмнөговь аймгийн Цогтцэций суманд байрлалтай “Ай Ди Эм Эн” гэх компани.
Тус компани энэ оны тавдугаар сард “Эрдэнэс Таван толгой” компаниас зарласан кемп түрээсийн 3 тэрбум 345 сая 795 мянган төгрөгийн тендерт оролцон ялалт байгуулсан байдаг.
Учир нь нэгэнт гэрээ байгуулагдчихсан тул "Эрдэнэс Тавантолгой" компани Б.Номингийн “Ай Ди Эм Эн” компанид төлбөрүүдээ шилжүүлээд эхэлчихсэн.
Гэвч нөгөө буюу “Говь хангайн хөдөлмөр” компани шиг нь давуу эрх эдэлдэг юм биш байгаа гэх хардлага эрхгүй төрнө.
Учир нь Б.Номингийн эзэмшлийн “Говь хангайн хөдөлмөр” компанийн машинууд нь Чайлкогийнх гэх шошготойгоор өдөр бүр 100-гаараа нүүрс тээвэрлэж, хил гардаг. Мөн тэдгээр машины жолооч нар Монгол Улсад PCR шинжилгээ ч өгдөггүй гэдгийг УИХ-ын гишүүн Г.Ганболд хэлчхээд байгаа.
Б.Номингийн хувьд өөрөө Лондонд сургууль төгсөж ирээд Ашигт малтмалын ХЭГ-т хэсэг хугацаанд ажиллаж байсан. Мөн БНХАУ-д суралцсан намтартай нэгэн.
Тэгэхээр түүний хувьд угаас уул уурхайн салбарт ажиллаж байсны хувиар танилын хүрээ нөлөөлөв үү аль эсвэл нагац эгчийнх нь гэр бүлийн туслалцаа байв уу гэдэг нь анхаарал татах сэдэв болж үлдэх нь ээ.
Зарим эх сурвалжийн зүгээс Б.Номингийн нагац эгч Д.Сэрэглэн нь “Эрэл”-ийн гэх Б.Эрдэнбатын эхнэр учраас Хөгжлийн банкнаас авсан зээлийг нь өөр салбарт ашигладаг байх магадлалтай гэх мэдээллийг ч өгөөд байгаа юм.
Эх сурвалж: Erennews.mn
