Энэ долоо хоногт АНУ-ыг дайран өнгөрөх хүчтэй шуурга тус улсын зарим хэсэгт сүүлийн 40 жилд тохиолдоогүй хүйтэн өдрүүд Зул сарын баярын үеэр тохиохыг цаг уурчид анхааруулжээ.
Мягмар гарагт нутгийн баруун хойд хэсгээр хүйтэн цаг агаар орж ирж, дараа нь зүүн зүг рүү шилжиж, баасан гараг гэхэд "тэсрэх циклон" гэгддэг төлөв дунд өргөрөгт ажиглагдах бөгөөд энэ үеэр атмосферийн даралт хурдан буурч циклон эрс нэмэгддэг.
Тус улсын 37 мужид цаг агаарын аюултай үзэгдлээс сэрэмжлүүлж, үүнд 90 сая гаруй хүн өртөж болзошгүй гэж сэрэмжлүүлээд байна.
Урьдчилсан мэдээллээс харвал Техасын өмнөд мужийг оролцуулаад нийт нутгийн 80 орчим хувь нь тэгээс /"0"/ доош температуртай байх төлөвтэй байна.
Цаг агаарын энэ үзэгдэл буюу шуурганд Weather Channel суваг "Эллиот" гэсэн нэр өгчээ. Америкийн баруун чигийн нутаг дэвсгэрийн зул сарын цаг агаар 1980-аад оны сүүлчээс хойшхи хамгийн хүйтэн байх төлөвтэй байна. Түүнчлэн ердийн дулаан байдаг Флорида хүртэл хамгийн хүйтэн Зул сарын баярыг хүлээж байна.
АНУ-ын Үндэсний цаг уурын алба энэ долоо хоногийн эцсээр зарим нутгаар агаарын темпратур -45 хэм хүртэл буурна гэж мэдэгдлээ.
Энэ хүйтрэлттэй холбоотойгоор Денвер, Чикагогийн нисэх онгоцны буудлуудын хэдэн зуун нислэг хэдийнэ цуцлагдаад байна.Чикагод пүрэв гарагаас эхлэн их хэмжээний цас орж, салхины хурд 80 км/цаг хүрнэ гэсэн мэдээлэл байна.
Пүрэв гарагийн өглөө Денверт агаарын температур -27С хүртэл буурч байгаа тул эрх баригчид хотын доторх цэнгэлдэх хүрээлэн болох Колизейг иргэдийг дулаацах төв болгон өөрчилсөн байна.
Эх суурвалж: ВВС
