ОХУ-ын ерөнхийлөгч Владимир Путин Батлан хамгаалахын сайд Сергей Шойгутай уулзаж Финландын хилийн дагуу цэргийн анги байршуулах талаар ярилцжээ. Финланд, Швед улсууд НАТО-д элсэхээр хүсэлтээ өгөөд ба тун удахгүй элсэн орох юм. Тиймээс цэрэг байршуулах шийдвэр нь Оросын хилийн ойролцоо байр сууриа нэмэгдүүлж, Финланд, Шведийн зардлаар холбоогоо өргөжүүлэх гэсэн НАТО-ийн хүсэлтэй холбоотой гэж Сергей Шойгу хэлжээ. Түүнчлэн Украины ерөнхийлөгч В.Зеленский АНУ-д айлчилж буй бөгөөд айлчлалын үеэр Patriot агаарын довтолгооноос хамгаалах системийг тусламжаар нийлүүлэх болсноо АНУ-ын засаг захиргаа зарласан билээ.
Оросын армийн агаарын довтолгоог эсэргүүцэхэд Украины армид чухал хэрэгтэй байгаа "Patriot" системийг Украинд нийлүүлбэл маш ноцтой үр дагавар амсах болно гэж ОХУ АНУ-д анхааруулсан.
Тэгвэл ОХУ-ын ерөнхийлөгч Владимир Путин энэхүү зэвсгийг устгаж чадах амласан бөгөөд “Patriot бол хоцрогдсон систем. Аливаа зүйлд цоорхой үргэлж олддог. Оросын арми Patriot системийг устгаж чадна” хэмээн хэлсэн байна.
