Монгол Улсын Ардын жүжигчин Энхбатын Амартүвшин дэлхийн дуурийн дуучдын шилдэгийн шилдэгээр шалгарлаа. Э.Амартүвшин 2022 оны дэлхийн дуурийн шилдэг 11 дуучны нэгээр шалгарсан бөгөөд шилдэгийн шилдэг 11 дуучны нэгдүгээрт эрэмбэлэгджээ.
Дэлхийн сонгодог урлагийн "Opera Wire" цахим хуудсаас жил бүр оны шилдэг дуурийн дуучныг нэрлэдэг билээ. Уг цахим хуудаснаас энэ оны дэлхийн шилдэг дуурийн дуучдын жагсаалтын нэгдүгээрт Монгол Улсын дуучин Э.Амартүвшинг нэрлэжээ.