Оросын арми тив алгасагч баллистик пуужин "Сармат"-аа байрлуулж эхэлсэн гэж энэ сарын 21-ний өдөр болсон тус орны Батлан хамгаалах яамны өргөтгөсөн хурлын үеэр Батлан хамгаалахын сайд Сергей Шойгу мэдэгдэв. Түүнчлэн Оросын батлан хамгаалах хүчин анхны стратегийн бөмбөгдөгч Ту-160М онгоцыг хүлээн авсан бөгөөд мөн сүүлийн үеийн стратегийн цөмийн шумбагч онгоц "Маршал Суворов"-ыг суурилуулжээ.Оросууд зэвсэгт хүчний эгнээгээ 1.5 сая цэрэг хүртэл өргөтгөх бөгөөд үүний 695 мянга нь гэрээт байлдагчид байх болно гэж Шойгу мэдэгджээ. Оросын арми цэргийн насны доод хязгаарыг 18-21 болгож, дээд хязгаарыг 27-30 нас болгон нэмэгдүүлсэн юм. Түүнчлэн иргэдийн гэрээт цэргийн алба хаах хүсэл эрмэлзлийг хангах ёстойг онцолжээ. Шойгу эл уулзалтаар "Баруун-2023" цэргийн сургуулилт явуулах тушаал заавар өгсөн байна. Мөн ОХУ-ын ерөнхийлөгч Владимир Путин өчигдөр /2022.12.21/ Батлан хамгаалахын сайд Сергей Шойгутай уулзаж Финландын хилийн дагуу цэргийн анги байршуулах талаар ярилцжээ. Финланд, Швед улсууд НАТО-д элсэхээр хүсэлтээ өгсөн учраас цэрэг байршуулах шийдвэр гаргахаар болжээ.
