УИХ-ын өнөөдрийн чуулганаар уул уурхайн бүтээгдэхүүний биржийн тухай хуулийн төсөл болон хамт өргөн мэдүүлсэн хуулийн төслүүдийн эцсийн хэлэлцүүлэг хийж эхэллээ. Хэлэлцэж буй асуудалтай холбогдуулан УИХ-ын гишүүд асуулт асууж байгаа юм.
УИХ-ын гишүүн Ж.Мөнхбат: "Чалкогийн гэрээ дуусаагүй юу. Намайг ЗГХЭГ-ын сайд байхад Чалкогийн гэрээ 2017 оны дөрөвдүгээр сард дуусаж байсан. 350 сая ам.долларыг нь Ж.Эрдэнэбатын ЗГ-ын үед төлж дуусгасан. Гэтэл одоо дахиад таван жилээр сунгаад 2027 оны дөрөвдүгээр сар хүртэл 17 хувийн хөнгөлөлттэйгөөр өгөхөөр гэрээ сунгасан гээд нийгмийн сүлжээгээр ярьж байна. Чалкогийн гэрээ нууцын зэрэглэлд байдаг бол үүнийг ил болгомоор байна." хэмээв. 2011-2012 онд “Чалко”-гоос авсан анхны 350 сая ам.долларын урьдчилгаа төлбөрт манай улс нийт 410.4 сая ам.долларын /нүүрсээр/ төлбөр төлсөн байдаг.
Иймээс “Чалко” гэх тавантолгойн ордын хань ижил мэт болсон компанийн гэрээг эргэн харах нөхцөл байна гэж УИХ-ын гишүүд үзэж байна