Төрийн ордонд нүүрсний олборлолт, тээвэрлэлт, экспорттой холбоотойгоор холбогдох эрх мэдэл бүхий байгууллагуудын тайлан, мэдээлэлтэй танилцах Ерөнхий хяналтын сонсгол эхэлсэн билээ. Байрны багтаамжаас шалтгаалан ерөнхий хяналтын сонсгол дөрвөн танхимд нэгэн зэрэг эхэлсэн. Үүнийг иргэдийн төлөөлөл эсэргүүцэж эхэлсэн билээ.
Хуралдааны эхэнд Дэгийг танилцуулах гэсэн боловч сонсголд оролцох хүсэлтээ илэрхийлсэн иргэд эсэргүүцэл үзүүлж, саналууд гаргав. Иргэдийн төлөөлөл өөрсдийг нь өөр танхимд суулгаж буйг эсэргүүцжээ. Мөн үг хэлэх боломжгүй байгааг эсэргүүцсэн юм. Ажлын хэсгээс иргэдийн шаардлагын дагуу хурлыг 13 цагт Төрийн ордны Их танхимд зохион байгуулахаар боллоо.
