Төрийн ордонд яг одоо нүүрсний олборлолт, тээвэрлэлт, экспорттой холбоотойгоор холбогдох эрх мэдэл бүхий байгууллагуудын тайлан, мэдээлэлтэй танилцах Ерөнхий хяналтын сонсгол эхэлсэн билээ. Байрны багтаамжаас шалтгаалан ерөнхий хяналтын сонсгол дөрвөн танхимд нэгэн зэрэг эхэлсэн. Үүнийг иргэдийн төлөөлөл эсэргүүцэж эхэлсэн юм.
Хуралдааны эхэнд Дэгийг танилцуулах гэсэн боловч сонсголд оролцох хүсэлтээ илэрхийлсэн иргэд эсэргүүцэл үзүүлж, саналууд гаргав. Иргэдийн төлөөлөл өөрсдийг нь өөр танхимд суулгаж буйг эсэргүүцжээ. Мөн үг хэлэх боломжгүй байгааг эсэргүүцсэн юм. Иргэдийн саналыг Ажлын хэсгээр хэлэлцсэний дараа сонсгол үргэлжилнэ гэж мэдэгдэв.
