Жагсагчдын удаа дараа тавьсан шаардлагын дагуу нийслэлээс гэр барьж, телевиз, интернетийн орчин зэрэг шаардсан зүйлийг бүрдүүлэн ажилласан ч цаашид суулт зарласан иргэдийн эрүүл мэнд амь насанд эрсдэл үүсэж байгаа аж.
Өнгөрсөн шөнө 00.00 цагийн орчимд жагсагчдын гэрийг хүчээр буулгасан гэх мэдээлэл гарсан.
Тэгвэл энэ талаар холбогдох албанаас тодруулахад, нийслэлийн эрүүл мэндийн байгууллагаас жагсаж буй зарим иргэдэд үзлэг хийж биеийн байдал хүнд байсан 2 хүн эмнэлэгт хүргэгдсэн. Цаашид жагсагчдын эрүүл мэндийн байдалд эрсдэл учирч болзошгүй тул эрүүл мэндийн тусламж үйлчилгээг авах шаардлагатайг илэрхийлж, НЗДТГ-аас барьсан хоёр гэрийг буулгасан гэв.
Мөн энэ үеэр зарим жагсагчид биеийн байдлаа үзүүлэхгүй гэж эсэргүүцжээ.